Transcription
1
Répondue.
2
Monseigneur, suyvant votre commandement qu’ay heu par la commission quil vous a pleu m’adresser,
3
je n’ay falli par la presente vous certiffier de ce que avons fait puys la reception, que fust vandredy
4
passé a heu huit jours, et des patantes royaux et de ladicte commission. C’est que aussitost
5
et dès le lendemain despechames quatre messagiers pour en fère la publication par les
6
lieulx acoustumés de notre ressort et jurisdition dont lestandue est assés grande et don
7
lesditz pourteurs ne pouvantz venir si tost que jeusse bien voullu pour me randre certain
8
de leur charge et vaccation, je nay peu dans la huictaine vous certiffier de ce que je
9
aurois fait ainsi que par vous m’est commandé. Nestant toutesfois cependant en sejour,
10
ains faisant procedures contre certains non toutesfois en grand nombre qui estoient
11
et sont absentz de ceste ville. Et pource que par votre missive me recommandés la
12
despence, je ay choisi le moyen par lesditz messaigiers de venir fère fère declaration à
13
chascung chastellain ou consulz desditz lieulx de ceulx qui sont absentz de leur maison
14
despuys les derniers troubles advenuz à Paris, outre ce que je en ay escript à quelques seigneurs dudit ressort que jestime estre affectionnés et fidelles au service de sa magesté,
15
par ladvertissement et rapport desquels, n’ay encores peu scavoir que aulcung soit absent
16desditz lieulx si ce nest à Aoste, où sans linclemence du temps, deux jours y a me [barré : y ]
17
fusse acheminé pour executer le commandement de sadicte magesté et de vous ; ce qu’ayant
18
fait, ne fauldrey aussitost vous advertir et vous en mender toutes les procedures,
19
auecq celles que jà avons fait. Quoy attandant, finirey ma lettre après qu’aurey
20
presenté mes très humbles recommandations à votre bonne grace, priant le
21
Createur,
22
monseigneur, vous doner en santé, très longue et heureuse vye. De Dye, ce
23
XXe jour de janvier 1573
24
Votre plus humble et hobeyssant serviteur
25
Du Perier juge de Dye